विश्वमोहन दाईको खुल्ला पत्र कम्निष्ट लाई।

प्रिय मित्र सागर दुलाल जी नमस्कार, 
सागरजी म पोखरा लेखनाथ महानगरपालिका वडा ३० पावरहाउस वादलचोक निवासी सामान्य तपाई जस्तै मध्यम वर्गिय नागरीक हुँ । नेपालका हरेक ऐतिहासिक परिवर्तनहरु र तपाई जस्ता नागरिकलाई निरंकुसतावाट मुक्ति दिलाउन नेतृत्वदायी भुमिका प्रदान गर्ने कांग्रेस पार्टी रहेको देशको नागरिक हुनुमा मलाई गर्व छ । किनकी बिदेशी ब्यक्ति र क्रुरताका पर्याय वनेका माओ लेलिन र स्टालिनका तस्वीरमा माल्यार्पण गर्ने साम्यवादी सोचवाट विकसित भएको वामपन्थी विचारधारामा भन्दा नेपालको माटो र धर्तीमा जन्मेर नेपाल र नेपालीको उन्नती र प्रगतिका लागि मरणोपरान्त सम्म आफ्नो जिवन वलिदानी दिने वि.पि. कोईराला, सुवर्ण शम्शेर, गणेशमान सिहं, कृष्ण प्रसाद भट्टराई, गिरीजा प्रसाद कोइराला, शुशिल कोइराला, महेन्द्रनारायण निधि जस्ता गौरवमय इतिहास बोकेका पुस्ताले सिञ्चित गरी हुर्काई वढाएको पार्टी हो नेपाली काँग्रेस । नकी यो २०२८ सालमा सामन्तीको ट्याग लगाएर झापा शनिश्चरेका धमदत्र्त ढकाल लगायत १८ जनाको व्यक्ती हत्या गर्ने झापा आन्दोलनको नेतृत्व गर्ने के.पी ओलीको पार्टी । त्यति मात्र होइनकी झापा आन्दोलनमा धर्मदत्त ढकालका दुधे नाती जसलाई कोर्कावाट झिकेर सामान्तीको छोरा÷नाती सामन्तीनै हुन्छन् भनी मारिएको थियो । त्यसैले लमजुङ्गका शिक्षक मुक्ती प्रसाद अधिकारी, चितवन भण्डारा गाडी भित्र ८ वर्षे वालिकालाई जिउँदै जलाउने, चितवनकै वाँदरमुढेमा ३९ जनाको ज्यान जानेगरि माओवादीले गरेको जघन्य अपराध र एमाले विचमा के भिन्नता रहयो र ? 
तपाईले नेपाली कांग्रेसका केन्द्रिय सदस्य युवा नेता प्रदिप पौडेल ज्यू ले ने.क.पा एमालेका अध्यक्ष तथा पुर्व प्रधानमन्त्री आदरणिय केपी शर्मा ओली ज्यूलाई प्रेषित गर्नुभएको खुल्ला पत्रको प्रतिउत्तर फेसबुकमा पोष्ट गरेको हेर्ने र पढ्ने सु–अवसर मिल्यो । हजुरको प्रतिउत्तरको पनि जवाफ स्वयंम प्रदिप पौडेल ज्यूले नै दिदा सान्दर्भिक हुन्थ्यो होला । तर हजुरको पत्र पढेपछि मलाई पनि केही लेख्ने प्रेरणा जागेर आयो । 
प्रिय मित्र सागर जी, तपाईले प्रारम्भमा नै २५ वर्ष वागडोर सम्हालेर शेर बहादुर देउवा मार्फत कांगे्रसले राजालाई लोकतन्त्र बुझाएको भन्ने गम्भिर आरोप लगाउनु भएको रहेछ । ने.का.को बहुमतको सरकार गठन भएको वि.स. २०४८ साल वाट राजाले “कु” गरेको २०५९ साल विच जम्मा १३ वर्ष हुन्छ । र त्यस विचमा एमालेको ९ महिने शासन र सुर्य व. थापा र लोकेन्द्र ब. चन्द को सरकारका समय वाहेकको समय जम्मा ९ वर्ष हुन आउछ । तपाईले २५ वर्ष भन्नु भएको छ जुन सरासर गलत छ वा तपाईमा गणित शिक्षाको अभाव प्रष्ट देखियो । साथै ने.का. जसले राणा शासन निरङकुश पञ्चायति व्यवस्थाका विरुद्ध पटक पटक नेतृत्वदायीै आन्दोलनन गरयो । यसै पाटीका नेता ४ दशक भन्दा वढि समय जेल र निर्वासनमा रहनु प¥यो । त्यहि पार्टीका नेताले लोकतन्त्रलाई राजा समक्ष सुम्पे भन्ने आरोप मिथ्या र कपोकल्पित भन्दा अरु केही हुनै सक्दैन् हो स्वभाविक रुपमा त्यति वेला राजाको वोलवाला थियो र उनले जे चाहन्थे त्यही हुन्थ्यो । संयोगले शेर व. देउवा प्रधानमन्त्री थिए त्यती वेला । यसलाई अतिरञ्जित किसिमवाट दुष्प्रचार गर्ने तपाईको एकल प्रयास झुठो हो भन्ने कुरा २०७० सालको संविधान सभाको निर्वाचनमा ने.का. ले प्राप्त गरेको जनमतवाट प्रमाणित भै सकेको छ । र अहिले भैरहेको स्थानिय निकायको दोस्रो चरणको निर्वाचन पछि अझ बढि सत्य सावित हुने कुरामा कुनै सन्देहः छैन । राजालाई दान, भेटी चडाएर राजाको “कु” लाई अनुमोदन गर्ने र प्रतिगमन आधा सच्चियो भनेर सरकारमा जाने माधव कुमार नेपाल र उनकोे पाटीले नै लोकतन्त्र राजामा सुम्पने वातावरणमा वल पु¥याएको थियो कि थिएन ? २०६२÷६३ को जनआन्दोलनको मार्फत २४० वर्षे राजतन्त्रको अन्त्य गर्ने पार्टी र त्यस पार्टीका कार्यकर्ता र नेतालाई लोकतन्त्र राजदरवारमा हस्तान्तरण गरेको भनि लगाएको आरोपमा नै गम्भिर खोट देखिन्छ । किनकी राजतन्त्रको अन्त्यको ऐतिहासिक आन्दोलनको नेतृत्व कांगे्रसलेनै गरेको थियो । के यो यथार्थलाई तपाई स्वीकार गर्न सक्नुहुन्न ? तपाईको लेख धेरै पुर्वाग्राही र कुटिल रहेको प्रष्ट देखिन्छ । मैले विदेशवाट फोनमा घर परिवारलाई रुखमा भोट हाल्नु भने भन्नु भयो तर प्रत्येक शब्द शब्दमा कांग्रेस प्रति एकांकी र मनगणन्ते शैलिवाट कमजोर मात्र देखाउनुले के संकेत गर्दछ भने तपाईको राजनैतिक आस्था एमाले प्रति तर कांग्रेस वनेर स्थानिय निकायको दोस्रो निर्वाचनको मुखमा कांग्रेसलाई नै दोषी ठहराएर ने.का. पार्टी प्रति वितृष्णा पैदा गर्ने कुटिलता घाम जस्तै छर्लङग छ । होईन तपाई साच्चिकै कांगे्रस हो भन पाटीले यति विघ्न कमि कमजारी गरेको जान्दा जान्दै घरपरिवारलाई रुखमा नै मतदान गर्नु भन्नुले तपाई विवेकहिन मानिस हो भन्ने प्रमाणित गर्दछ । 
प्रदिप जि ले खुल्ला पत्रमा धेरै विषयहरुको उठान गर्नुभएको थियो । तर कतिपय विषयको उत्तर दिन नसक्नु तर्पाईको पत्रको कमजोरी देखियो । प्रदिप जि ले पत्रमा एमाले पटक पटक सरकारमा गएको भन्नु भएको थियो । उहांले पनि मदन भण्डारीको धर्मपत्नि रक्षामन्त्री हुदै हाल राष्ट्रपति समेत भएको कुरा लेख्न छुटाउनु भएको थियो । यसलाई पनि स्मरण गराउदै तपाईसंग प्रश्न सोध्न चाहन्छु कि किन आज २५ वर्ष पुग्दा पनि मदन भण्डारीको हत्यारा एमालेले पत्ता लगाउन सकेन ? के मदन भण्डारी र बृद्ध भत्ता एमालेको चुनावी पुजि मात्र हो ? जुन निर्वाचनको समयमा मात्र उठाउनुपर्ने ? यसैको व्याजमा एमाले पार्टी कतिन्जेल टिकीरहने हो । 
सागर जी, तपाईले अहिलेको सरकारलाई बदनाम सरकार भन्नुभयो । जुन सरकारले २० वर्ष सम्म हुन नसकेको स्थानिय निकायको निर्वाचन गरायो । ओलीको पालामा रहेको ०.७९ प्रतिशतको आर्थिक बृद्धिदरलाई वढाएर ७ प्रतिशतको हाराहारी पु¥यायो । संविधान संसोधन मार्फत आधा जनसंङख्याको प्रतिनिधित्व गर्ने मधेसी समुदायलाई राष्ट्रिय राजनितिको मुल धारमा ल्याउने प्रयास ग¥योे । यस्तो सरकार असक्षम हुने भए तपाईको परिभाषामा कस्तो सरकार हुने हो सक्षमताको ? केपी ओली जस्तो व्यत्तित्व भएको नेताले ने.का. जस्तो पार्टीलाई क्षुद्र र अशिष्ट शव्द प्रयोग गरिएको अभिव्यत्तिलाई तपाईले विभिन्न विशेषणवाट चोख्याउने जुन प्रयास गर्नु भएको छ । यसको जति निन्दा गरे पनि कमि हुन्छ । एउटा कमजोरीे लुकाउन अर्काको कमजोरीको खोजि गर्नु भनेको निच विश्लेषणको पराकाष्ठ भन्दा अरु केही हुनै सक्दैन । आखिर कमजोरी जसले जहांवाट गरे पनि कमजोरी नै हुन्छ त्यो । तपाईले एउटै देशमा रहेका मधेशीहरुलाई संविधान विरोधी भनेर जुन निष्कृष्ट उपमाको तक्मा भिराईदिनुभयो । यसले पछि तपाई पछुताउनु भन्दा बाहेक केही हुदैन । किनकी मधेशमा बस्ने मधेशी पनि पहाडीया भन्दा कम राष्ट्रवादी छैनन् । हैन भने सुस्तामा मिचिएका जग्गा र कन्चनपुर साथै तराईमा भारतले मिचेको सिमानाको विरुद्ध कुन पहाडियाले प्रत्यक्ष रुपमा मुकाविला गरेका छन् ? गरेका छन् त तराईमा वस्ने नेपालीले नै गरेका छन् । सागर जि तपाईले केपी ओलीलाई गालि गरेर कांग्रेसको साख फर्कदैन भन्नु भएको छ । हो कसैले कसैलाई गालि गरेर कसैको साख फर्कदैन भन्ने जान्ने तपाईले केपी ओली ले पनि ने.का. लाई यो पार्टी कसरी एमालेको पछि पछि आयो र अझै पनि कांग्रेस भन्ने पाटी रहेछ भन्ने अपमान गर्दैमा एमालेको पनि साख माथि जान सक्दैन भन्नेमा हेक्का राख्नुपर्ने होईन र ? 
तपाईले ने.का. को पार्टी कार्यलयमा विपिको तस्विर निकालेर मोहन वैद्यको राखे हुन्छ भन्नु भएको रहेछ । ने.का. आजसम्म वि .पि. कै तस्विर फ्याक्ने अवस्थामा पुगेको छैन । वि.पि कांग्रेसका मात्र हैनन देशकै सम्पत्ति र पुंजि हुन् । तर कुनै वेला एमालेले आफ्नो पार्टी कार्यालय वल्खुवाट माक्र्स लेनिन र माओको तस्विर हटाएर अमेरिकी राजदुतको स्वागत गरेको विषय विर्सनु भयो ? आफ्नो आङगमा भैसी हिडेको नदेख्ने अर्काको आङगमा जुम्रा हिडेको देख्ने उखान सायद तपाई जस्ता मा लागु हुन्छ होला ।
सागर जि तपाईले प्रदिप जि लाई ओलीको कामले लघुताभास भयो भन्ने गम्भिर आरोप लगाउनुभयो । तर यस्तो होईन । ने.का.का पालामा सरकारले लिएको खुल्ला अर्थनिती वैङ्क, स्कुल, संञ्चार , स्वास्थ्य क्षेत्र आदिलाई निजि क्षेत्रलाई लगानी गर्ने वातावरण सिर्जना गरेको विषयमा उहांलाई गर्व भयो होला । आज नेपालीका छोराछोरीहरु अन्र्तराष्ट्रिय स्तर मा प्रतिष्पर्धी वन्ने अवसर सिर्जना गर्नु, सुट टाई लगाएर चिटिक्क पर्दै बैंङकिङ क्षेत्रमा काम गर्ने वातावरण सिर्जना गर्नु, आज तपाईहरुका हात हातमा मोवाईल, टोल टोलमा स्वास्थ्य चौकीको व्यवस्थाको जगमा उठेको विकासवाट सारा नेपाली प्रेरित भएको देखेर प्रदिप जि मा आत्मगौरव बढेको हुनुपर्छ । विश्व बैंङको प्रतिवेदनमा नेपालको आज सम्मको शासन अवधि मध्ये २०४८ देखि २०५१ सम्मको समयलाई उत्कृष्ट भनी प्रतिवेदन दिनुले पनि देशको विकासमा कांग्रेसको त्यो वेलाको सरकारको कार्यकाल स्वर्णिम भएको प्रमाणित गर्दछ । 
एमालेको पहाड जोडिदा मधेश अखण्ड हुने र मधेश मात्रको क्षेत्रलाई प्रदेश वनाउदा मधेश टुक्रिन्छ भन्ने सोच नै आतिवादी र विखण्डनकारी सोच हो भन्ने लाग्छ । अहिले मुलतः पुरानो नाम र स्वरुप मात्र परिवर्तन गर्न खोजिएको मात्र हो तर यसलाई किन ज्यादै अतिरञ्जित किसिमवाट प्रचार गरेको छ एमालेले ? २०१८ सालमा राजा महे्न्द्रले १४ अञ्चल ७५ जिल्लाको निर्माण गर्दा हिमाल पहाड संग नजाेिडएका २२ जिल्ला, त्यसै गरी लुम्विनी, राप्ति, , नारायणि, भेरी अञ्चल पनि त सवै भारत संग मात्र जोडिदा के भयो र अव के हुन्छ ? मधेश र पहाडमा वितृष्णा सृजना गरेर मधेशीलाई पृथकतावादी सोचको विकास गराउने वातावरणको सिर्जना कसले गरीरहेको छ ? सागर जि निसंकोच भनिदिए हुन्छ एमाले ले र एमाले भित्र पनि के.पी ओली ले । ताक परे तिवारी नत्र गोतामे भने झै २०२८ सालमा भान्साभित्र खाना खादै गर्दा टाउको निहुराएको अवस्थामा ढोका बाट झ्याप्पै भित्र पसीे टाउको छ्प्काएर राजनिति सुुरु गरेका के.पी ओली, अनि २०४८ सालमा काग्रेस को एकमना सरकारका विरुद्ध काठमाडौ का रेलिङ भाच्ने एमाले साथै ४०३ मेगावाटको अरुण तेस्रो परियोजना बनाउन नदिन विश्व बैँक लाई पत्रचार गर्ने एमाले के राष्ट्रवादी हो ? यसका वारेमा किन खुल्ला पत्रमा उच्चारण समेत गर्न सक्नुभएन ? २०४५ सालमा भारतले नेपाललाई नाकावन्दी लगाउदा ने.का.का नेता कृष्ण प्रसाद भट्ठराई ले वार्ता गरी नाकावन्दी खुलाएको विषयलाई पत्रमा नखुलाई केवल सुशिल कोइरालाको पालामा भएकोे नाकावन्दीको मात्र वकालत गर्नुले तपाईमा कती पुर्वागा्रही भावना रहेछ भन्ने प्रमाणित हुन्छ । २००७ सालको राणा शासनको अन्त्य, विर्ता उन्मुलन, राजारजौटा उन्मुलन, २०४६ को ऐतिहासीक पञ्चायत विरुद्धको आन्दोलन, २०६२।६३ को जन आन्दोलन का साथ साथै २४० वर्षिय राजसंस्थाको अन्त र ६० वर्ष देखी नेपाली जनताले आफ्ना जन प्रतिनिधि मार्फत आफ्नो संविधान आफै निर्माण गर्ने चाहाना स्वरुप गठित भएको संविधान सभा मा एमालेका माधव कुमार नेपाल र झलनाथ खनाल ले नेतृत्व लिदाँ पनि पुरा गर्न नसकेको काम ने.का.का तत्कालिन सभापति शुशिल कोइराला मार्फत संम्पन्न भएको ऐतिहासिक उपलब्धी तपाईको खुल्ला पत्रमा लेख्न लाज लाग्यो हैन ? 
सागर जी पछिल्लो नाकावन्दी को यो विषयलाई पनि हामिले राम्रो सँग वुभ्नु पर्दछ । संविधान जारी गरेपछि सहमति अनुसार सरकार छोड्न पर्ने थियो र त्यति वेलामा नै मधेशवादी दलले संविधानमा आफ्ना हक अधिकारहरु पर्याप्त नभएको भनि आन्दोलन गरे । भारतले अघोषित रुपमा सिमामा नाकावन्दी ग¥यो सुरक्षाको कारण देखाई । तर अहिले विगत सम्झदा धिक्कार लाग्छ सागरजी । त्यती बेला शुशिल कोइरालाको नेतृत्वमा रहेको सरकारले त्यो असहजतालाई सहजता तर्फ उन्मुख गराउने प्रयास गर्दा गर्दै त्यस्तो विषम परिस्थितीमा पनि देश राष्ट्रका सामु एक भएर उभिनु पर्ने घडीमा एमालेले एक मिनेट पनि सत्तामा बस्न नदिइकन राजिनामा दिन वाध्य वनाएको हो की हैन ? उतिवेला एकछिन पनि सरकारमा बस्न नदिने एमालेले अहिले प्रचण्डले राजिनामा दिदा गलत भयो भन्नुको पछाडि के रहस्य छ ? तपाई जस्तो विश्लेषकले बुझ्नु नै हुन्छ होला ? के तपाईको शब्दमा भन्ने हो भने त्यो नाकावन्दी केपी ओलीले नै खुलाएका हुन त ? पटक्कै होईन दूलालजी । किनकी त्यो नाकावन्दी लगाउनुको प्रमुख उदेश्य मधेशवादी दलका माग पूरा गराउने भन्ने थियो । सुशिल कोईरालाको नेतृत्वको सरकारले जाँदा जाँदै संविधान सभामा संविधान संसोधनको प्रस्ताव दर्ता गराएर सत्ता छोडेको थियो । र त्यसको बलमा नाकावन्दी खुलेको कुरा तपाई जस्तो सचेत नागरिकले विर्सनु हुदैनथ्यो । तर जस गयो कसलाई के पि ओलीलाई । ,जसरी ने.का.को सरकारले २०४८ सालमा सरकारी जिर्ण उद्योग र कम्पनीहरु लाई निजिकरणमा लैजाने निति लियो । शिक्षा स्वास्थ्य सडक विजुली संञ्चारमा उल्लेख्य काम गरेको थियो र देशको आर्थिक वृदिदर र राजश्वमा वृदि भइरहेको थियो । त्यसै समयमा ने.का.का केही ३६ से सांसदका कारणले वहुमतको सरकार ढल्यो र देशमा मध्यावधी निर्वाचन भयो । ने. का. को आन्तरिक कलहको फाइदा लिदै एमाले संसदमा ठुलो दल बन्नु वाहेक काग्रेस भन्दा अगाडी आउन सकेको छैन् । र अल्पमतको सरकार बनाउने सौभाग्य पायो । त्यति वेलाको एमाले सरकारले वृद्ध भत्ता बाडेर लोकप्रियता हांसिल गर्यो । यो सत्य विषय हो । तर त्यो वाहेक एमालेले अरु के त्यस्ता अविष्मरणिय काम गर्यो देश र जनताका लागि ? देशका ज्येष्ठ नागरिकको सम्मान र सुरक्षा दिनु राज्यको दायित्व हो तर के एमाले त्यही एउटा नारामा कतिन्जेल राजनिति गरिरहने हो ? एउटा राजनैतिक दल निश्चित सिद्धान्त र आदर्शमा चल्नुपर्छ ।तर आज २० वर्षसम्म पनि एउटै वृद्ध भत्ताको मात्र नारा रगटेर कतिञ्जेल कांग्रेससंग प्रतिष्पर्धा गरीरहने होे एमाले ले ? त्यस्तो कार्यक्रम पक्कै पनि ने.का.को सरकारले गर्न सक्थ्यो तर कांग्रेसले अल्पकालिन भन्दा पनि दिर्घकालिन सोचलाइ मुल मन्त्रको रुपमा लियो । ने.का.को सरकार हुदा पटकपटक अर्थमन्त्री बनेका रामशरण महत विश्व समुदायले स्विकार गरेको एउटा अन्तराष्ट्रिय संस्थाको सर्वेक्षण र मतका अनुसार विश्वकै सफल अर्थमन्त्रीमा छनौट हुनु भयो । जसले ने.का.को आर्थिक निति विश्वकै उत्कृष्ट थियो भन्ने प्रमाणित गर्दैन र ? तपाइ जस्ता विद्रोही भावना भएका विश्लेषकले यस सत्यलाइ पनि स्विकार गर्न सक्नुहुदैन होला । तपाईको लेखमा कम सत्यता र यथार्थता वढी काल्पनिक र मनगणन्ते विषयहरु समावेस भएको पाईन्छ । 
तपाइले म विदेशी भुमीमा आउनु पर्यो भन्ने गुनासो पनि कागे्रससँगै जोड्रेर गर्नु भएछ । ने.का.को सरकारले कक्षा १० सम्म निशुल्क शिक्षा प्रदान गर्ने निति लियो । अहिले स्वास्थ्य मन्त्री गगन थापाले स्वास्थ्मा पनि धेरै महङ्गा उपचारहरुलाई निः शुल्क गराउदै जानु भएको छ । 
मानिसको जिवनमा शिक्षा र स्वास्थ्य निशुल्क भएपछि किन विदेश जानु परयो दुलाल जि । आजसम्म मैले नेपालमा जनता भोकमरी लागेर मरेको सुनेको छैन । दुई गास खानलाई नेपाली धर्ती नै पर्याप्त छ । नेपाल कृषी प्रधान देश हो । नेपालका वाझा जमिन छाडेर धेरै पैसा कमाउने लोभमा तपाई विदेशिनुमा ने.का.को के दोष हुन्छ र ? तपाईको उमेर र शिक्षा मैले थाहा पाउन सकिन के भारतियले नेपालमा चना चटपट वेच्न हुने, जुत्ता चप्पल बटुलेर गुजारा टार्न हुने , वाटोमा अलकत्रा तताएर काम गर्न हुने अनि तपाई नेपालमै वसेर ति काम गर्न नहुने ? किनकी तपाईलाई लाज लाग्यो हैन् विश्व समुदाय एउटै आगन जस्तो भयो । जो जहा गएर पनि काम गर्दा केही हुदैन । आफ्नै योग्यता र क्षमता अनुसारको काम गर्ने हो । ने.का. ले प्रदान गरेको निः शुल्क शिक्षा नलिई तपाई गुच्चा खेल्नु भयो की , गुदेलि खेलाएर हिड्नुभयो त्यो वेला ? अनि तपाई अवसरको सदुपयोग नगर्ने कांग्रेसलाई मात्र दोष दिने ? रेडियो, टिभी, र पत्रपत्रिकामा सुन्न र देख्न सकिन्छ की डिग्री पढेकाले जागिर छोडेर खेतिपातीमा लागेर वर्षकै लाखौं कमाए भन्ने सुनिन्छ । अनि तपाई नेपालमा वसेर भैसी चराएर दुध वेच्दा सानो वन्नुहुन्छ ? तपाई आफै भैसी चराउनु भन्दा उँटको हली हुनमा गर्व गर्नुहुन्छ भने यसमा ने.का.को के दोष छ र ? 
दुलाल जि ले भरतपुरमा मत पत्र च्यातेको विषयमा मौनताको कुरा उठाउनु भो । के ने.का. जस्तो पार्टीले मतपत्र च्यातेको विषयमा संवैधानिक अंगका रुपमा रहेको निर्वाचन आयोगको कार्य क्षेत्रमा नाङगो हस्तक्षप गर्न सुहाउछ ? के पुन ः मतगणनाको माग गरीदिएमा ने.का. राम्रो हुने र पुनः निर्वाचन भए तपाईको नजरमा कांग्रेस नराम्रो हुने हो ? तपाईको वुझाईमा कांग्रेसले के गर्दा राम्रो हुने र के गर्दा नराम्रो हुने हो ? पत्रमा प्रष्ट झल्किएन सागर जि ? २०५४ सालमा वागगलुङको अमलाचौरमा एमालेले गरेको ताण्डव तपाईका लागि राम्रै होला हैन ? २०५१ सालको मध्यावधी निर्वाचनमा रामेछाप क्षेत्र न. १ मा एमालेका देव शंकर पौडेल पराजित हुने अवस्थामा एमालेका प्रतिनिधीले मत गणना स्थलमानै १९ वटा मत पत्र मुखमा राखी चपाएर निलीदिएपछी पुन मतदान हुदा नेपाली कांग्रेसका उमेद्वार लक्ष्मण प्रसाद घिमिरेलाई ११ मतले हराईएको त्यो कालो नजिरले अहिले तपाईलाई भतभती पोलेकै होला । तपाईले भरतपुरमा मतपत्र माओवादीले च्यातेको भन्नुभयो । के तपाई मतपत्र गणना गर्दा भित्रै हुनुहुन्थ्यो ? अनि कसरी भन्नुभयो ठोकेर माओवादीले मत पत्र च्यातेको । यसवाट के भन्न सकिन्छ भने तपाई एमाले पार्टी को हनुमान हो भन्ने प्रमाणित हुन्छ । धैर्य गर्नुस दुलाल जि निर्वाचन आयोगले छानविन समिति गठन गरेको छ ,। त्यसपछि थाहा भै हाल्छ के हो भन्ने ? तर वाहिरवाट सरसर्ती हेर्दा ४००० मतको अन्तर हुदा त माओवादीले मतपत्र च्यात्न परेन तर मतान्तर ७०० को वरीपरि हुदा र कांग्रेसको गढ मानिएको वडा नं २० गणना गर्न वाकी हुदा किन माओवादीलाई मतपत्र च्यात्नुपर्ने आवश्यकता परयो ? मतान्तर क्रमश साघुरिदै जादा को परिणाम त होईन यो ? त्यसैले सवैका आ आफ्ना तर्क हुन्छन् त्यसैले निर्वाचन अयोगको निर्णय कुरौ भनेको ।
तपाईले चीन संगको पारवहन सन्धिमा कांग्रेसलाई किन टाउको दुख्यो ? भन्नु भएको रहेछ । यस विषयमा कांग्रेसलाई टाउको दुखेको छैन सागर जी गर्व महसुस गरेको छ । किनकी ने.का. रहेको सरकारका प्रधानमन्त्री प्रचण्डको चीन भ्रमण र संसदमा उक्त सन्धिका विषयमा स्वयमं प्रचण्डले प्रतिवद्धता व्यक्तगरीसकेका छन् । तपाईले संसदमा प्रचण्डले वोलेको रेकर्ड खोजेर सुन्न सक्नुहुन्छ । किन यस्तो विषयमा भ्रमको खेती गर्ने प्रयास गरीरहनु भएको छ ? 
तपाईले केपी ओलीको लोकप्रियता वढेको कुरा गर्नुभएछ । सोझा जनतालाई तत्काल हुदै नहुने शब्द जालमा राखेर लिएको लोकप्रियता क्षणिक हुन्छ भन्ने पनि बुझ्नुभएको होला । जसरी माओवादिकोे फुस्रा नाराले २०६४ सालको चुनावमा जनता झुक्एि र त्यसको परिणाम ६ वर्ष पछि २०७० सालमा देखियो । अहिलेको एमाले पनि त्यस्तै हो दुलाल जि । पछिल्लो उदाहरणको रुपमा भारतको आम आदमी पाटीलाई लिन सकिन्छ ।
मान्नुस त दुलाल जि तपाई वाटोमा विरामी भएर छटपटाई रहेको वेलामा तपाई लाई ५ तोलाको हार लगाई दिउ कि अस्पताल पु¥याई दिउँ भन्दा के रोज्नुहुन्छ ? पक्कै अस्पताल । अस्पतालवाट निको भए पछि तपाईले कमाउनु होला अनि ५ तोलाको हार मात्र हैन वंगला बनाउनुहोला, कार चड्नु होला अनि मोज मस्तिमा रमाउनुहोला, हो त्यस्तै हो केपी ओलीको अहिलेको बोली ।
चरम लोडसेडिङको समय र जनता ग्यास नपाएर भौतारी रहेको वेलामा, पेट्रोल नपाएर तड्पिएको वेलामा घरघरमा ग्यासको पाईप , हावा वाट विजुली र पानी जहाजका कुरा हावा र वेतुकको हुन्छ की हुदैन ? आज नहुने कुरा वोलि दिने पछि २०÷३० वर्ष पछि यही नारा कसैले उठाएमा आज भन्दा २०÷३० वर्ष अगाडी केपि ओलिले भनेका थिए भनेर अहिले पनि र पछि पनि नारा बनाईरहने हो एमालेले ? यसलाई तपाईले भिजन भन्नुहोला तर वर्तमान नेपालको सन्दर्भमा धेरैले हावा कुरा भन्दा हुन् । 
त्यसो भए त चन्द्रमामा जाने हो मंगल ग्रहमा धान फलाउने हो भने त भै हाल्यो नि । पछिका पुस्ताले यो पनि गर्लान नि भोलि भोलि । जस्तै २०० वर्ष अगाडी विल्भर राईट र ओलविर राईटले जहाजको परिकलपना गरे जस्तो । तर यस्ता हावा कुरा कांग्रेसले गर्दैन र गर्न पनि सुहाउदैन किनकी नेपाली कांग्रेस जे गर्छ त्यही बोल्छ र जे गर्न सक्छ त्यही मात्र बोल्छ ।
तपाई अहिलेको प्रथम चरणको निर्वाचन परिणाम देखेर निकै हौसे जस्तो लाग्यो । केपी ओली र एमालेका कार्यकर्ताहरु पनि हौसेका जस्ता देखिन्छन् । तर वास्तविकता त्यस्तो छैन दुलाल जी । २०५४ सालको स्थानिय निकायको निर्वाचनमा ६५ प्रतिशत स्थानिय निकाय एमालेले जितेको थियो र कांग्रेस जम्मा ३० प्रतिशत स्थानमा । तर अहिले एमाले ४१ प्रतिशत र कांग्रेसले ३८ प्रतिशत स्थानमा जित हात परेको छ । वा १.५ प्रतिशत जनमत मात्र एमालेको पक्षमा बढि देखिएको छ । तपाईले पत्रमा उल्लेख गरेका कमी कमजोरीहरुका वावजुद पनि । चुनाव कुन क्षेत्रमा भयो र कुन क्षेत्रमा हुदै छ भन्ने कुराले पाटीलाई अन्तिम परिणाम आइन्जेल ठुलो र सानो वनाउछ । अहिले नै दोस्रो चरणको निर्वाचन नहुदै कांग्रेस पराजित भैहाल्यो भन्ने ओली र तपाईको मुल्याङकन निकै सतही रहेको पाईन्छ । ७४४ स्थानिय निकाय मध्ये जम्मा २८३ स्थानमा निर्वाचन सम्पन्न भयो र अझै ४६१ स्थानमा निर्वाचन हुनै वाकी छ । वाकी रहेको तराई क्षेत्र जुन ने.का.को भोट बैंकको रुपमा मानिन्छ । दुलाल जि निर्वाचन पछि ने.का. पहिलो दल हुने सम्भावना प्रचुर छ किनकी सवै निर्वाचनका इतिहासहरु र आज सम्मका निर्वाचनमा ने.का.ले तराई मधेश वाट प्राप्त गरेको जनमत केलाउदा । हुनत अन्तिम फैसला गर्ने त जनता जनार्दन नै हुन् । यदी दोस्रो चरणको निर्वाचन पछि कांग्रेस ठुलो दल भयो भने के हुन्छ एमाले ?
पहिलो चरणमा २० सिटले कांग्रेस पछि पर्दा केपी ओलीले कांग्रेस कुम कुम सम्म आयो भनि रहदा र यदी कांग्रेस ३०÷३५ सिटले एमाले भन्दा बढि भयो भने उहाकै शब्द सापटी लिदा के एमालेलाई कुरकुच्चा सम्म आयो भन्ने देउवाले ? अहं होइन हामी यसको पनि विरोध गर्दछौ । कांग्रेसले कदापी त्यस्तो भन्दैन र भन्न पनि हुदैन किनकी लोकतन्त्रमा हारजित स्वभाविक प्रकृया हो भन्ने कांग्रेस र कांग्रेसका नेताले राम्रो संग बुझेका छन् । र इतिहासमा दुई तिहाई ल्याएको पार्टी र पटक पटक वहुमत हांसिल गरेको पार्टीले २०६४ को प्रचण्ड र अहिलेको जस्तो के.पी ओली वनेन किनकी वि.पि. कोइरालाले देश विकासका लागी वलियो प्रतिपक्ष चाहिन्छ भन्नु हुन्थ्यो । 
सागर जी तपाईले २५ वर्षमा ने.का. सरकारमा धेरै बस्यो भन्नुभयो ।त्यो पक्कै सत्य कुरा हो तर दिनको हिसावले ने.का. एमाले भन्दा धेरै सरकारमा रह्यो होला । तर एमाले पनि त्यतिनै समय सरकारमा रहेकोछ तर एमालेले देशलाई दुरगामी उपलब्धी हुने के त्यस्तो राष्ट्रिय महत्वको काम गरेको छ ? तर इमान्दारिका साथ भन्नु पर्दछ माओवादीका वावुराम भट्राई छोटो समय सरकारमा रहदा पनि केही राष्ट्रिय गौरवका आयोजनाहरु अगाडी वढाएका थिए । जुन भोलिको देश निर्माणका लागि कोशेढुङ्गा सावित हुनेछन् ।
हो तपाईले भनेका केही कुराहरु यथाथ र सत्य छन् नेपाली कांग्रेसले आफ्नो कार्यशैली र व्यवहारमा सुधार गरी आफुलाई अझ वढि लोकतान्त्रिक बनाउनु पनि तड्कारो आवश्यकता छ । तर यसको अर्थ तपाई र के.पी. ओलीले भने जस्तो कांग्रेस सिद्धिएको र पछि परेको छैन । कांग्रेस दुवो जस्तो पार्टी हो जसलाई जसले जति उखलेर फाल्ने प्रयास गर्दछ त्यति नै मौलाएर झन झागिंएर आउछ । जसरी विगतमा राणा,राजा माओवादी र वर्तमानमा एमालेले सिध्याउन कुटिल चाल चालिरहेको छ । एउटा कम्मलले जाडो जादैन भने जस्तै एउटै निर्वाचनलाई आधार लिएर विश्लेषण गरीयो भने ठुलो भुल हुनेछ सागर जी । कांग्रेस प्रतिको तपाईको पुरै नकारात्मक सोचमा परिवर्तन गर्न‘ु पर्ने आवश्यकता मैले महसुस गरे । मेरो स्वभाव वा आग्रहलाई तपाईले कसरी लिनुहुनेछ त्योे तपाईको व्यक्तिगत विषय हो । हवस अहिलेलाई मेरो कलम बन्द गरें ।

तपाईको हितैषी मित्र
विश्व मोहन पौडेल 
पोखरा लेखनाथ महानगरपालिका वडा न. ३० पावरहाउस वादलचोक कास्की

June 26 at 12:13pm